Pacquiao, muling nagwagi

_Essale Hymn Meñoza_

Linggo, ikalabing-apat ng Marso sa taong 2010 nang napatunayang muli ng ating Pambansang Kamao ang kanyang husay sa boxing. Ginanap ang inabangang paghaharap sa pagitan ng kampeon ng mga Pilipino at Joshua Clottey ng Ghana sa Dallas, Texas na siyang dinaluhan ng maraming tagahanga ng magkabilang panig. Bakas sa mga kapwa Pilipino kay Manny ang mainit na suporta sa kanyang laban.

Hindi naging madali kay Manny ang patumbahin si Joshua Clottey sapagkat malakas ang depensa ng naturang katunggali sa iilang mga suntok at maging sa mga mababagsik na left hook na kanyang pinakawalan. Gayunpaman, walang bakas ng pagkahapo at pagkadismayado ang nabatid sa mga kilos ni Manny. Datapwat, pinili nitong maging mas agresibo sa laban. Kaya naman ay naging mainit ang laban at umabot hangang sa ikalabindalawang round. Sa huli’t sa unanimous decision ng mga hurado ay nanatiling WBO Welter Weight Champion of the World si Manny Pacquiao.

Ang Pagkakaiba ng Dalawang Kampeon

_Lavi Cornel Subang_

Parehong nanalo sina Manny "Pacman" Pacquiao at Z Gorres sa kanilang huling laban. Pinatumba ni Pacman si Cotto sa huli niyang laban. Tinalo naman ni Gorres si Luiz Melendez. Ngunit, may malaking diperensya dalawang kampeon na ito.

Ngunit, sa kasamaang palad, hindi pareho ng kapalaran si Z Gorress at Manny Pacquiao.

Umuwi si Pacman ng mayroon lang galos sa kanyang mukha at katawan. Iprinoklama rin siyang Pound per Pound King dahil sa resulta ng kanyang huling laban. Nakauwi siya kaagad sa Pilipinas matapos ang ilang araw ng pagpapahinga sa America. Pinarangalan siya ni Pangulong Gloria Macapagal Arroyo ng Order of Sikatuna matapos ang ilang araw ng kanyang paglapag sa paliparan ng Ninoy Aquino.

Hindi nakapagpahinga si Gorres matapos ang kanyang laban, katulad nang nangyari kay Pacman.. Bagkos, agad siyang isinugod sa hospital dahil sa komplikasyon na namuo sa kanyang katawan. Nabigla ang buong bansa sa balitang ito.

Ayon kay Michael Aldeguer, manager ni Gorres, mayroong natagpuang mga barasa kanyang utak, na naging sanhi ng kanyang agad na panlulupaypay matapos ang kanyang laban. Ang kondisyong ito ay tinatawag na subdural hematoma.

Nangailangan si Gorres ng mga panalangin sa kanyang operasyon matapos ang kanyang laban. Hindi naman ito ipinagkait ng kanyang mga kababayan sa lugar na tinubuan.

Hanggang ngayon ay nasa hospital parin siya at nagpapagaling. Sabi ng mga doktor, ayos na ang kanyang kalagayan, ngunit hindi pa niya gaanong magalaw ang kaliwang bahagi ng kanyang bahagi ng katawan dahil hindi pa gaanong magaling ang kaliwang bahagi ng utak ni Gorres. Mabuti nalang ay hindi tinamaan ang parte ng utak ni Gorres na respomsable sa kanyang memorya, at dahil dito, nakikilala niya pa ang lahat ng bumibisita sa kanya.